مقولة اليوم| المصري أول سيرة الإنسان

المصري أول سيرة الإنسان

احنا من صخر العزيق والصبر

واحنا من طل وندى المواويل

زي ما اتعود علينا النيل

زي ما اتعود علينا العطش

يمكن خطأنا في الزمان الطويل

كان من سبيل الرحمة والحنية

يصعب علينا في يوم نفارق عيالنا

وماجاش في بالنا

زي العرق‏:‏ الدم يبني البيوت

يا اللي الشقا من ست آلاف حبّنا

اللي يزرع واللي يصنع خير بيعرف ربنا

واللي يعدل في نصيب اليتيمة يعرف ربنا

واللي بينوّر طريق المدينة يعرف ربنا

واللي يضرب في قلوب الأعادي يعرف ربنا

سجدت لله الكريم الهادي