"عيد حزين" قصيدة جديدة للشاعر محمد حسنى إبراهيم

جيت أقول له كل عام وأنت بخير
التقيت الدمعة جريت
قلت له طب شد حيلك
والسَعف ف ايديه بيضحك
يغزل  الصبح بنهاره وبشموسه ويمحي ليلك
بَصة من عينك كفاية
تروي نيل حزن وغنايا
لو هيطلع من ضلوعي
راح يبكي الكون يجيلك
جيت اقول له كل عام وانت بخير
قلت له طب شد حيلك
ابتَسم وبروحه غَنا
للجراح السايلة مِنا
قال تعالى شوف دي جنة
ف السما طالع عليها
سِبت نظرة تقولش حِنة
فوق كفوفك كات دليلك
جيت أقول له كل عام وأنت بخير
قلت له طب شد حيلك
إحنا لينا الدنيا فانية
وأنت وردة ف حتة تانية
اللي شاف الضحكة دية
بين صفوفنا مَلهوش دية
خان هوانا وخان ضميره
باع محبة بين دروبنا
دمعة واحدة ف يوم رحيلك
جيت أقول له كل عام وأنت بخير
قلت له طب شد حيلك