"فيكِ وفيكِ" قصيدة للشاعر أشرف فريد

فيكِ الفقارى وفيكى الغلابة
وفيكِ الهلايل وفيكى الزغابة
وفيكِ الشيخ الوهم المزيف
وفيكِ اللي عايش زى الصحابة
وفيكِ اللي لسة لما بيدعوا
قبل ما يدعوا تيجي اﻹجابة
وفيكِ اﻷراضى الشراقى الخرابة
وفيكِ النيل اللى خايفينه ينشف
وفيكِ البحار وفيكى السحابة
وفيكِ الضيق الزحام اللى يخنق
وفيكِ الوساعة وفيكى الرحابة
وفيكِ اللى شايفينها جنة بتبرق
وفيكِ اللى شايفينها ضلمة وغابة
وفيكِ كل علوم الكلام
وفيكِ كل فنون الكتابة
وفيكِ التراثى القديم اﻷصيل
وفيكِ الحداثة وفيكى الغرابة
وفيكِ وفيكى وفيكى وفيكى
ياريتك تحسى
بإن الغلابة همه اللي ليكِ
وفيكِ الحكمة وفيكى المثل
وفكِ الجهل وفيكِ الكسل
وفيكِ الحلو وفيكِ العسل
وفيكِ المر وفيكِ البصل
وفيكِ وفيكِ وفيكِ
وفيكِ اللى شايفك أخته وأمه
وفيكى اللى أنتى حماته وهمه
وفيكِ اللى يفدي بروحه ودمه
وفيكِ اللى ينفث ف اﻵكل سمه
وفيكِ وفيكِ وفيكِ
وفيكِ وفيكِ
ياريتك تحسى
بإن الغلابه
همة اللى ليكِ
 
 الشاعر أشرف فريد،من مواليد الرحمانية قبلي، مركز نجع حمادي، شمالى محافظة قنا، نشرت له العديد من القصائد فيأخبار الأدب، والجمهورية، والفيصل السعودية، له أعمال إذاعية وتليفزيونية “فيلم طرح الصبار” والمسلسل التليفزيوني القاهرة 2000، والمسلسل الإذاعي “قيود ناعمة”، وقام بالتمثيل المسرحي.