"حضرة وريد الأضرحة" قصيدة للشاعر محمود منشاوى

النيل بيغرق م البعاد
النيل عناد
بيضم مسافاتك طريق
و يبصلك
بيداري خوفه م الحنين
و من الشغف
لعيون بتقتل كل أحلام
العذاري
ف سد خانة الأرتباط
النيل رباط ..
جامع ما بين الملهوفين
و المشتاقيين يوم  للدفا
و العشمانيين بالأجوبة
كان مين بيسرق حلمهم
و يردهم من غير ما حتي
يرسموا كلمة وداع
يوهبلهم كحلة
دموع الليل ..
يا قلب عليل
كفاية عويل علي فراقها
كفاية الضحكة تسرقنا
ب خطاوي الموشومين
بالصمت
و تبعتها لأخر سكة
تجمعنا ف طابور الدم
جناين هم ..
و بتلم الحكاوي براح
مانيش مرتاح
ولا عارف أداري الدمع
ف جبيني
ولا عارف أرق عليه
هاتفرق أيه ..
حتي اللي كانوا بيجمعوا
المواويل فرح
لموا العزال ..
شالوا الرحال و فضلت أنا
رب الرزيلة المغرضة
و رب الفضيلة المستباحة
للطغاة ..
ضحكة عطش
بتجري ريق الأضرحة
لحبة مناسك ملزمة
لتوب الإله
زغدة بخور
مع دعوة تعمي
السكرانيين وسط الصلاه
تشبه ملاحم للغنا
ف صوت الشيطان
تواشيح ملايكة
بيلعنوا نبض الملل
و بيوئدوا أنين الرحم
جوا الأدان ..
حبة صور متجمعة
علي توب غريق
بيناجي روح متعلقة
علي شكل قشايه
و يديها لون
يشبه لضي مقام
ولي
كان برضه سكران
ف الصلاه
و سايب دموعه
تضم نيل
و النيل ساعتها
ماكنشي عارف
صوت ملاك الرحمة فين ..!
النيل بيغرق م البعاد
النيل عناد
بيضم مسافاتك طريق
و يبصلك
بيداري خوفه م الحنين
و من الشغف
لعيون بتقتل كل أحلام
العذاري
ف سد خانة الأرتباط
النيل رباط ..
جامع ما بين الملهوفين
و المشتاقيين يوم  للدفا
و العشمانيين بالأجوبة
كان مين بيسرق حلمهم
و يردهم من غير ما حتي
يرسموا كلمة وداع
يوهبلهم كحلة
دموع الليل ..
يا قلب عليل
كفاية عويل علي فراقها
كفاية الضحكة تسرقنا
ب خطاوي الموشومين
بالصمت
و تبعتها لأخر سكة
تجمعنا ف طابور الدم
جناين هم ..
و بتلم الحكاوي براح
مانيش مرتاح
ولا عارف أداري الدمع
ف جبيني
ولا عارف أرق عليه
هاتفرق أيه ..
حتي اللي كانوا بيجمعوا
المواويل فرح
لموا العزال ..
شالوا الرحال و فضلت أنا
رب الرزيلة المغرضة
و رب الفضيلة المستباحة
للطغاة ..
ضحكة عطش
بتجري ريق الأضرحة
لحبة مناسك ملزمة
لتوب الإله
زغدة بخور
مع دعوة تعمي
السكرانيين وسط الصلاه
تشبه ملاحم للغنا
ف صوت الشيطان
تواشيح ملايكة
بيلعنوا نبض الملل
و بيوئدوا أنين الرحم
جوا الأدان ..
حبة صور متجمعة
علي توب غريق
بيناجي روح متعلقة
علي شكل قشايه
و يديها لون
يشبه لضي مقام
ولي
كان برضه سكران
ف الصلاه
و سايب دموعه
تضم نيل
و النيل ساعتها
ماكنشي عارف
صوت ملاك الرحمة فين ..!