تعرف إيه عن الدقهلية؟.. أصلها دمياطي وعاصمتها أشهر منها
حلقة تقدمها: دينا البلتاجي
وأعدها للنشر: عبدالباسط عياش
الدقهلية واحدة من الأماكن اللي ليها تاريخ طويل، ولحد ما وصلت للمحافظة اللي نعرفها دلوقت مرت بمراحل كتير.
البداية كانت في عهد الدولة الفاطمية، كانت وقتها عبارة عن إقليم كبير يضم أقاليم كتير أصغر منه، كانت قاعدة الأقاليم دي كلها قرية اسمها “دقهلة”.
من الجهة الجنوبية كانت يحد الإقليم منطقة اسمها “المرتاحية”.. والمرتاحية دي كانت ضمن المنطقة اللي بتضم مركزي المنصورة وأجا.
اسم المرتاحية أخد الاسم بعد ما عساكر القائد جوهر حبوا يشتغلوا في الزراعة، فبعتهم للمنطقة دي، ومن يومها اتسمت “المرتاحية” نسبة للراحة.
المراحية أصل التسمية
المرتاحية انضمت إلى الولاية، وكانت وقتها تضم مراكز فارسكور ودكرنس والمنزلة.. وبقيو إقليم واحد اسمه المرتاحية والدقهلية. وكانت عاصمته أشمون الرمان، واستمر الوضع على ما هو عليه، لحد أواخر دولة المماليك.
أيضا في سنة 1527 أطلق على الإقليم اسم ولاية الدقهلية، واتحولت عاصمتها من أشمون الرمان إلى المنصورة.
كذلك في عام 1826 قسمت إلى مأموريات، وفي سنة 1833 انضمت المأموريات دي تحت إقليم واحد اسمه مديرية الدقهلية، وبرضه بقي عاصمتها المنصورة، وأصبحت هي المحافظة اللي نعرفها دلوقت.
إعداد الموضوع اعتمد على “القاموس الجغرافي”، محمد رمزي، ج1، الهيئة العامة للكتاب، 1994.
في النهاية يمكنك أن تقرأ المزيد عن المحافظة في التقارير التالية
800 سنة منصورة أم 900؟.. الدقهلية تاريخ وإنجازات
